Спорт • 23 Шілде, 2023

Мергендердің мерейі

230 рет
көрсетілді
1 мин
оқу үшін

Бұл күндері Оңтүстік Кореяның Чхан­вон қаласында өтіп жатқан нысана көздеуден жасөспірімдер арасындағы әлем чемпионатында Қазақстан қор­жыны тағы төрт жүлдемен толықты.

Мергендердің мерейі

Спортты дамыту дирекциясының мәліметі бойынша, жылжымалы нысана көздеуде (10 м)

Қазақстан әйелдер құрамасы финалдық са­йыста Украина қыздарынан басым түсіп, ­әлем чемпионатының алтын жүлдесін жеңіп алды. Бұл сында ел намысын әпкелі-сіңлілі Зухра және Фатима Ирназарова мен Александра Сәдуақасова қорғап, осы жаттығудағы ересектер арасындағы әлем рекордын тіркеге­нін де (1686 ұпай) айта кеткен жөн.

Ал дәл осы қашықтықтағы сайыста елі­міздің ерлер құрамасы Украина спортшыларына жол беріп, күміс медаль иегері атанды. Сондай-ақ жылжымалы нысана көздеуде жекелей сында Фатима Ирназарова тұғыр биігінің екінші сатысынан көрінді. Ол финалда украиналық Маргарита Тарканиге (6-4) есе жіберді. Фатима іріктеуде 572 ұпай жинады. Сондай-ақ бұған дейін ел қоржынына алтын жүлде салған Никита Чирюкин 25 метрден тапаншамен (стандарт) оқ атуда күміс жүлдеге ие болды (572 ұпай). Отандасымыз тек жарыс қожайыны Сук Жин Хонгқа есе жіберді (578 ұпай).