Фото: ТЖМ
23 шілде күні сағат 21.57-де Астана қаласы Төтенше жағдайлар департаментінің Өрт сөндіру бөлімшелері Көктал ауданында жатақхана жанып жатқаны туралы хабарлама алып, оқиға орнына жетті. Өрт 2-қабаттағы бөлмеде 20 шаршы метр аумақта шыққан. Тілсіз жау тез таралып, өрт сөндірушілер қою түтін арасында жұмыс істеген.
Елордалық өрт сөндірушілердің күшімен иінді үш көтергіш арқылы 2 адам құтқарылды, 60 тұрғын эвакуацияланды. Тұрғындарды орналастыру мәселесін жатақхана иесі шешеді.
ТЖД күштерімен тілсіз жау сағат 22.28-де оқшауланып, 22.48-де сөндірілген.
Зардап шеккендер мен қаза болғандар тіркелмеген.
