Цукер­бергті жолда қалдырар...

Өзінің командасымен бір­ге бөлшек саудада есеп-қисапты жеңілдететін бағдар­лама жасап жатыр. Рас, осы күні Қарағанды көлемінде көп­теген жастың түрлі ком­пьютерлік бағдарлама жасайтын қабілет-қарымын жалпақ жұрт біле бермейді. Әділдей жаңашылдыққа ұм­тылған жастарды көріп, былай бағамдайды екенсіз: ақ­параттық технологияның жі­лігін шағып, майын іше­тін болашақ Джобс пен Цукер­бергтер арамызда жүруі әбден мүмкін ғой, кім біледі?..

Өңірдегі жастың ІТ-тех­но­ло­гияға таласы бар. Осылай болжам жасауы­мыз­ға шағын несие алып, компьютерлік бағдарламаны жі­ліктеп отыр­ған Әділ Мү­сидің жобасы себеп. Жоба сәтті аяқталса, бухгалтерлерге шарапаты тиеді.

Жақында 4 млн 400 мың теңге шағын несие алған Әділ Мүси Қарқаралы ауда­ны Қарағайлы кентінде тұ­рады. Ол командасымен бөл­шек саудада есеп-қисапты же­ңілдетуге мүмкіндік беретін бағдарлама жасап жатыр.

«Шағын несиені IT-жо­ба­ға алдық. Бұл бағдарлама бөлшек сауданың ішкі есебін касса бойынша операцияны және қоймадағы бар та­уар­дың қалдығын көруге мүм­кіндік береді. Барлық ал­ғашқы құжатты автоматты түрде жүргізеді. Әр тауар са­тылған сайын заң жү­зінде керек бастапқы құжаттар авто­матты түрде шығады. Бағ­дарламаның аяқ алысы жаман емес. Кодтау үстіндеміз. Дизайнын, макетін құрып, алда­ғы мар­ке­тингтік стра­те­гия­ны құрас­тыруға кіріс­тік. Бәрі ойда­ғы­дай болса, келер жылы бағ­дар­ла­ма­ны сынақтан өткі­земіз. Кәсіпкерлікпен айна­лыс­қаныма 5 жыл. Осы 5 жылда бизнеске және кәсіп­кер­лерге арналған жеңіл әрі түсінікті бағдарлама жоқ екенін түсіндім. Көп­теген кәсіпкер маған дүкен­деріне, дәріханаларына авто­мат­тандырылған арнайы бух­гал­терлік есепті жүр­гі­зетін, яғни сатып алған­нан кейін құжаттарды ав­томат­ты түрде дайындайтын бағдарлама сұрайды. Бағдарламалар бар. Бірақ олар толық емес. Бір функциясы бар, енді бір функциясы жоқ. Ал біздің бағдарламада касса, қойма, бухгалтерия түгелдей бір-бірімен керекті ақпаратты автоматты түрде алмасады. Осы күнгі нарықтағы бағдар­ла­ма­ларда біз ұсынып отырған функциялар жоқ. Кездессе де, өте қымбат тұрады», дейді Әділ Маратұлы.

Қазіргі уақытта ойдағы жобасына Әділ командасымен кіріскен. Алдағы уа­қыт­та бағдарлама саты­лымға шық­қанда, тағы да 10 шақты адамды жұмыспен қамту жос­парының бар екенін де жеткізді. Бағдарламаларына батыл кіріскен Әділ несие алуға тиісті құзырлы ұйым­дар­дың кеңес беріп, мемлекет қолдауын айқын сезін­генін айтады. Кәсіп етуге құл­­шыныс бар да, кедергіге кідір­­­мейтіндеріне қолдау көр­­сетілсе, қопарып жұмыс істей­­тіндеріне сенімді.

Әділдің бағдарламашылар тобы мұнымен тоқтап қал­майды. Командадағы жі­гіт­тер алысты көздеп отыр. Төл бағдар­ламаларының бағын әлемдік деңгейде сына­мақ ние­ті бар.

«Бағдарламаны әлемдік дең­гейге дейін жеткізу жос­­парда бар. Оның бар­лығы тынымсыз еңбек пен біраз уақытты талап ете­ді. Биз­нес­те кең тара­ған бағ­дар­ла­­малардың тә­жіри­­бесіне сүйене отырып, отандық бизнеске ке­рек­ті құралдардың бағ­дар­ла­масын ұсыну ойымызда», дейді Әділ.

Әділ – 22 жаста. Қарқа­ра­лы ауданы Аққора ауылын­да дүниеге келген. Қа­ра­ғай­лы кентінде №16 жалпы білім беретін мектепті ойдағыдай бітірген. Әбілқас Сағынов атындағы Қарағанды техни­калық университетін тау-кен инженері мамандығы бо­йынша тәмамдап шыққан. Әкесі Марат Мусин де, анасы Жазгүл Советқызы да өндіріс саласында еңбек етіп жүр. Оқуды озат бітірген Әділге де осы саладағы ком­паниялардан бірнеше рет шақырту түскен. Бірақ Әділ IT саласы бағытын таң­дапты. Біз білген Әділдің ізгі әлемі әзірге осы.

Қарағанды облысы