Қоғам • 01 Қыркүйек, 2023

Ең төменгі жалақы мөлшері 85 мың теңгеге көтеріледі

186 рет
көрсетілді
1 мин
оқу үшін

Қазақстан Үкіметі ең төменгі жалақы мөлшерін біртіндеп өсіре береді. Бұл туралы ел Президенті Қасым-Жомарт Тоқаев Қазақстан халқына Жолдауы барысында айтты, деп жазады Egemen.kz.

Ең төменгі жалақы мөлшері 85 мың теңгеге көтеріледі

Фото: qazaq1913.com

«Біз бұған дейін уәде бергеніміздей, Үкімет ең төменгі жалақы мөлшерін біртіндеп өсіре береді. Азаматтардың табысын арттыру үшін 2024 жылдың 1 қаңтарынан бастап ең төменгі жалақы мөлшерін 85 мың теңгеге көтеруді тапсырамын. Осылайша, біз еңбекақының ең төменгі мөлшерін үш жыл ішінде екі есе көбейттік. Бұл шара 1 миллион 800 мың адамның, оның ішінде бюджет саласында еңбек ететін 350 мың азаматтың әл-ауқатын арттыруға септігін тигізеді», деді Қасым-Жомарт Кемелұлы.

Президент елде еңбек нарығын жан-жақты дамыту үшін Үкімет қысқа мерзімде 2030 жылға дейінгі кешенді жоспарды бекітуі керек екенін айтты.

«Жаңа экономикалық саясаттың қағидалары мен басымдықтарын нақты айқындаумен қатар, алдағы реформаларды сапалы әрі толық жүзеге асыру өте маңызды. Оның табысты болуы мемлекеттік қызметшілердің біліктілігіне, жауапкершілігіне және саяси ерік-жігеріне тікелей байланысты», деді Мемлекет басшысы.