Пікір • 05 Қыркүйек, 2023

Қоғам болып жұмылсақ

268 рет
көрсетілді
1 мин
оқу үшін

Жолдау көкейде жүрген көп сұраққа жауап берді. Мемлекеттің дамуына септігін тигізетін бірнеше жаңа бағыт анықталды. Депутат қана емес, қатардағы азамат ретінде де Жолдаудан жақсы бастамалар көрдім.

Қоғам болып  жұмылсақ

Ең бірінші – АЭС салу мәселесін халықтық референдумда қарау. Өте оңды шешім. Енді халық өзі таңдау жасайды. Демократиялық қоғамды осылай ғана қалыптастыра аламыз. Екінші – қорғаныс саласын күшейту. Бұл да өте қажетті қадам. Айналамыз аласапыран болып жатқан кезеңде алдыңғы орында мемлекеттің қауіпсіздігі тұру керек. Ол үшін Қарулы күштер жаңа техникамен, соңғы үлгідегі қару-жарақпен қамтамасыз етілуге тиіс. Үшінші – ауылды дамыту. Президент Жолдауда ауыл халқына шаруашылығын дамытуға барынша жағдай жасауды тапсырды. Аймақтар үшін бұл – жақсы жаңалық.

Әрине, Жолдауда қамтылған бүкіл мәселені шағын пікірмен талқылау мүмкін емес. Алдағы уақытта оны түсіндіру жұмыстары жүйелі түр­де жалғасады. Менің айтқым кел­гені, ендігі кезек – Үкімет пен Пар­ламентте. Мемлекеттің дамуы Прези­денттің Жол­дауындағы сөз бен орындау­шы­лардың ісіне жалғасса ғана қарқын­дайтынын естен шығармайық. Өкінішке қарай, Президенттің көп тапсырмасы тиісті деңгейінде орындалып жатқан жоқ. Сондықтан біз қоғам болып жұмылып, тапсырмалардың орындалуына атсалысуымыз қажет. Сонда ғана нақты мақсаттарға қол жеткіземіз.

 

Ринат ЗАЙЫТОВ,

Мәжіліс депутаты