https://kff.kz/
«Финляндия футболшыларына 0:1 есебімен есе жіберген матчтан кейін құрамада өзгеріс енгізіледі. Әр ойында жіберген қателікті түзеуге күш саламыз. Солтүстік Ирландия құрамасындағы ойыншылардың жарақаты бар, бізде де белді футболшылардың кейбірі денсаулығына байланысты қатыса алмайды. Тағы да айтам, жеңілісті қабылдау ауыр, үш күн бұрын Финляндия футболшыларынан ұтылғанымыз әлі де жегідей жейді. Жеңіске алақайлап қуана аламыз, жеңілісті де көтере алуымыз керек. Біз сырт алаңда Солтүстік Ирландия құрамасын 0:1 есебімен ұтқанбыз, бұл жолы да жігіттер жерге қаратпайтынына сенемін», деді бас бапкер.
Қазақстан – Солтүстік Ирландия матчын «Qazsport» телеарнасы 18:50-де тікелей эфирден көрсетеді.
