Аймақтар • 10 Қыркүйек, 2023

Үздіктер үкіленді

131 рет
көрсетілді
1 мин
оқу үшін

Қарағанды қаласының мәдениет, тілдерді дамыту, дене шынықтыру және спорт бөлімі мен «Шырақ» тілдерді оқыту орталығының ұйымдастыруымен «Тіл үздігі» байқауының жеңімпаздары марапатталды.

Үздіктер үкіленді

ФОТО: ortalyq.kz

– Ұлт ұстазы – Ахмет Бай­тұрсынұлының туған күні және Тілдер күні ме­рекесіне орай өткізілген шара мемлекеттік тіл мен шет тілін оқытып жүр­ген оқытушыларға қол­дау көрсету, олардың кә­сі­би әлеуетін дамыту, озық тәжірибелерін тара­ту, тілдерді оқыту орта­лықтарының оң имид­жін қалыптастыруды мақсат тұтады, – дейді «Шы­рақ» тіл­дерді оқыту орта­лы­ғы­ның директоры Саят Тұяқ­баев.

Қала әкімінің «Тіл үз­дігі» сыйлығы 8 аталым бо­йынша тапсырылды. «Үз­дік оқытушы» аталымымен «Шырақ» тілдерді оқыту орталығының оқы­тушысы Әсия Смыкова, «Үздік тыңдаушы» аталымымен «Алмагүл» бала­бақ­шасының тәрбиешісі Ирина Магина марапатталды. «Үздік тіл жанашыры» «Баләлем» тілдерді оқыту орталығының жетекшісі Жанна Кұттыбаеваға бұйыр­­ды. «Шет тілін үздік оқы­тушы» Ә.Сағынов атын­дағы Қарағанды техни­калық университетінің шет тіл­дер кафедрасының аға оқы­тушысы Гүлсара Аман­­гелдина деп танылды. «Мекеменің үздік қыз­меткері» аталымында об­лыстық тілдерді оқыту ор­талығының қызметкері Әсет Есмағамбетов, «Үздік тіл майталманы» аталымында тілдерді дамыту басқармасы жанындағы ресурстық тіл орталығының бөлім мең­герушісі Жұпар Жақан топ жарды.

«Үздік жас маман» «Бо­лашақ» жоғары кол­лед­жі­нің оқытушысы Ақ­бота Бе­кімұратова, «Үздік тіл маманы» аталымымен қо­ғам белсендісі Эльмира Сай­лауқызы марапатталды.

Жеңімпаздардың әр­қай­сысына 250 мың теңге көле­мінде ақшалай сыйлық пен дипломдар табысталды.

 

Қарағанды облысы