Еңбек • 13 Қыркүйек, 2023

Еңбегі жанған егінші

204 рет
көрсетілді
1 мин
оқу үшін

«Ауылдың ажары – азаматынан» деген сөз бар. Бұл – еңбегімен елді көркейтіп, көпке септігін тигізіп жүрген азаматтарға қарап айтылатын сөз. Сондай сипатқа лайық азаматтың бірі – Бейбіт Асанов.

Еңбегі жанған егінші

Суретті түсірген – автор

1999 жылдың 9 наурызында Бәйтерек ауданында «Асан-Ауыл» жауапкершілігі шектеулі серіктестігін құрған Бейбіт Бат­нияз­ұлының бас­тамасы бүгінде үлкен ша­руашылыққа айналып, ауыл-аймаққа шарапатын ти­гізіп отыр.

Атакәсіпті алға сүйреген іскер азамат осынау уақыт ара­лығында егіншілікті қолға алып, әжептәуір деңгейге кө­терді. Қазіргі кезде бұл шаруа­шы­лық 61 адамды жұмыспен қамтып отыр. Техникалары айтарлықтай жаңарып, тір­ліктің қарқынын күшейтіп келеді.

7 вектор комбайны, К-700 алып тракторларымен қоса Мтз-80 маркалы 16 трактор ша­­руаны шыр айналдырып тұр. Бүгінде шаруашылық 2 345 гек­тар жерге күздік қара бидай егіп, әр гектардан 23 центнерден өнім алды. Бұған қоса 200 гектар жерге арпа егіп, әр гектарынан 14,5 центнерден өнім түсті. Бұл істе 43 жұмысшы егінжайда тынбай еңбектеніп, алтын дәнді қамбаға жеткізді.

Сонымен қатар Бей­біт Бат­ниязұлының шаруашы­лығында 1 120 гектар жерге жазғы ақ бидай тұқымы да себіліп, гектары 12 цент­нер өнім берді. Ал 1 417 гектарға егілген күнбағыстан 16 цент­нер өнім алуды күтіп отыр. Елді мекенге қайыры тиіп отырған осындай шаруаны қолға алатын бастамашыл аза­маттың көп болғаны – елге пайда.

 

Рафхат Халелов

Батыс Қазақстан облысы,

Бәйтерек ауданы