Фото: kapital.kz
«Egemen Qazaqstan» газетінің тілшісі Гүлмира Бағытқызының «Сенім үдесінен шыққан банктер» атты мақаласында «Көрші елдердің 50 сенімді банкі – 2023» рейтингіне енген Қазақстан банктері жарияланды.
Рейтингті мұнай-газ секторына қатысты корпоративтік бизнеске бағытталған «Ситибанк Қазақстан» бастады. Одан кейінгі көшбасшылар қатарында Қазақстандағы тұрғын үй-құрылыс жинақтары жүйесін жүзеге асыратын «Отбасы банкі» орналасқан. Forbes.ru рейтингіндегі 3 сенімді банкті біздегі ең ірі коммерциялық банк «Halyk Bank» аяқтаған.
Үздік бестікке «Kaspi Bank» пен Грузияның «ProCredit банкі» енген. Алғашқы ондыққа Қазақстанның 5 банкі кірсе, 7-орында «ForteBank» жайғасқан.
Еліміздің ЕДБ жиынтық активтеріндегі 5 ірі банктің үлесі 66%, жалпы несие портфеліндегі үлесі 73,8% және клиенттердің жалпы депозиттеріндегі үлесі 70,2%-ды құраған.
