![Екі апта хабар-ошарсыз кеткен екі жасөспірім табылды](/media/2023/09/21/94c8eb14-81f6-4526-85df-8945d9f132ec.webp)
Фото: zhetysu.police
15 жастағы Ақерке Жолдасованың және 16 жастағы Әмір Тергеуовтің Үштөбе қаласынан хабар-ошарсыз кеткені туралы арыз Қаратал ауданының полицейлеріне 6 қыркүйекте жазылған екен.
Кәмелетке толмағандарды жаппай іздестіру жұмыстарын полиция қызметкерлері, олардың туыстары, мектептің педагогикалық ұжымы және еріктілер жүргізген.
«19 қыркүйекте із-түзсіз жоғалғандардың орналасқан жері анықталды. Екі мектеп оқушысы да Шымкент қаласында екені белгілі болды. Полицейлер кәмелетке толмағандарды Үштөбеге жеткізіп, ата-анасына тапсырды. Екі жасөспірім де есен, дендері сау», деді Жетісу облысы ПД Криминалдық полиция басқармасының бастығы Қайрат Журунов.