Қоғам • 09 Қазан, 2023

Есірткі өсірушілерді құрықтау көктен де жүзеге асырылады

186 рет
көрсетілді
1 мин
оқу үшін

Полиция қызметкерлері спутниктерді пайдалана отырып, қарасора өсірілетін жерлерді анықтауды қолға алды, деп хабарлайды Egemen.kz ведомствоның баспасөз қызметіне сілтеме жасап.

Есірткі өсірушілерді құрықтау көктен де жүзеге асырылады

Фото: polisia.kz

«Жыл сайын маусым-қазан айлары аралығында жабайы қарасораның өсіп-жетілуі кезеңінде Ішкі істер министрлігі «Қарасора» республикалық жедел-профилактикалық іс-шарасын өткізеді. 1 маусымнан бері аталған шара барысында 820 есірткі қылмысы анықталды. Алты ұйымдасқан қылмыстық топтың әрекеті тоқтатылып, олардың жетекшілері мен 54 қатысушысы қылмыстық жауапкершілікке тартылды. Заңсыз айналымнан 32 тонна есірткі тәркіленді, оның ішінде 5,3 тоннаға жуық марихуана, 476 келіге жуық гашиш, 241 келіден астам «синтетика» және 62 келіден астамы героин өнімі. Қызылорда, Түркістан және Ұлытау облыстарында қарасора өсірілген 65 плантация анықталды. Олардың жалпы аумағы 10 гектардан асты. Бұл ретте салмағы 20 тоннадан асатын 70 мыңнан астам қарасора бұталары тәркіленіп, жойылды. Мұндай есірткі өсімдіктерін анықтау үшін полицейлер Ұлттық ұланның тікұшақтарын пайдаланып, «Бүркіт» арнайы жасағының қызметкерлерін жұмылдырады. Қызылорда, Ақтөбе, Түркістан және Ұлытау облыстарының аумағында 150 мың шаршы шақырымнан асатын жер тексерілді. Жалпы 70 рет әуеден барлау жүргізілді», делінген хабарламада.

Есірткі өсімдіктерін өсірушілерді анықтау үшін «Қазақстан Ғарыш сапары» АҚ ғарыштық спутниктері арқылы жер беті қашықтықтан тексеріліп, есірткі плантациясы болуы мүмкін 60 географиялық аумақтың координаты полицияға жолданған. Қазір аталған фактіге қатысты тергеу амалдары жүргізіліп жатыр.