Фото: aqorda_resmi
Қазақстан Президенті Республика күніне арналған Мемлекеттік ту көтеру салтанатты рәсіміне қатысты. Іс-шара «Ақорда» резиденциясының алдында өтті.
Қасым-Жомарт Тоқаевқа Құрмет қарауылының бастығы рапорт берді. Содан кейін Президенттің бұйрығымен Мемлекеттік ту көтеріліп, еліміздің Әнұраны орындалды. Ұлттық мереке – Республика күнін ресми түрде атап өту осы салтанатты шарадан басталды.
Бүгін Республика күні мерекесіне орай еліміздің барлық өңірінде Мемлекеттік ту көтеру рәсімі өтеді.
