Жергілікті «Уралец» спорт кешенінде ұйымдастырылған бәсеке айдын иелерінің айқын басымдығымен аяқталды. Бірінші кезеңде «Автомобилист» сапынан «Барыстың» экс-ойыншысы Джесси Блэкер мен Данил Романцев мергендік танытса, екінші кезең басталған бетте Сергей Зборовский таблодағы көрсеткішті 3:0-ге жеткізді. Арада көп уақыт өтпей Максим Мусоров есеп айырмасын қысқартқанымен, үшінші кезеңде Алексей Макеев пен Анатолий Голышев дәлдік танытып, «Автомобилиске» айқын басымдық сыйлады. Матчтың соңғы минуттарында «Барыс» командасынан Райли Барбер өз атын таблоға жаздырды. Қорытынды есеп – 5:2.
Елордалық клуб келесі кездесуін бүгін «Барыс Аренада» Минскінің «Динамосымен» өткізеді.
