Медицина • 20 Қараша, 2023

АИТВ-ның алдын алу маңызды

193 рет
көрсетілді
2 мин
оқу үшін

АИТВ инфекциясын жұқтырған адам аурушаң болады, үнемі еңсесі түсіп, шаршаңқы көрінеді, жөтеледі, түшкіреді, қасынады, жылайды, он екі мүшесі түгел ауырады деп ойлайтындар да кездеседі қоғамда. Ал, шын мәнінде, аурудың басты белгілері бұл симптомдар емес.

АИТВ-ның алдын алу маңызды

Мәселе мынада, АИТВ жұқ­тыр­ғаннан кейін және одан кейінгі инкубациялық кезеңде симптомдар мүлдем болмайды. Содан барып жедел фаза пайда болады. Бұл кезеңде ЖРВИ немесе тұмауға ұқсас белгілер пайда болады. Бірақ мұның барлығы көп ұзамай өтеді. Мұны АИТВ-инфекциясы өзін білдірмейтін уақыт кезеңі, «жасырын кезең» деп атайды. Инфекция жұқтырған сәттен бастап АИТВ-ға дейінгі кезеңге дейін шамамен 10 жыл өтуі мүмкін. Осы аралықта пациенттің өзі де, оның айнала­сындағылар да ауруды білмейді. АИТВ өзін толық қуатында жария­лаған кезде, оны бақылау өте қиынға соғады. АИТВ-ның­ асқынуларына қарсы тұру, адам­ның іс жүзінде бұзылған им­­мундық жүйесін қолдау қиынға соғады.

Бізбен бірге жұмысқа, ойын-сауық орындарына, оқу орындарына баратын қарапайым адамдарда АИТВ болуы мүмкін екенін түсіну өте маңызды. Олардың өмірі жайнап, тіпті дені сау балаларды дүниеге әкелуі мүмкін. Ең бастысы – жағдайды дұрыс қабылдау. Сосын қажетті емді қабылдау қажет. АИТВ инфекциясы анықталған адам дұрыс көзқараспен ұзақ және бақытты өмір сүре алады.

Қорғалмаған жыныстық қа­тынас, стерильдікке сәйкес келмейтін татуировка және басқа да көптеген күнделікті жағ­дайлар АИТВ инфекция­сы­на тікелей алып келуі мүм­кін. Өмір сүрмейтін адам ғана қателеспейді. Біз бәрін алдын ала біле алмаймыз. Кеткен қате­лік­тер­­ді түзете алмаймыз, бірақ олардың салдарын түзе­­ту үшін қарапайым қадам­дар жасай аламыз. Бұл үшін жақын жердегі тері-венерологиялық диспан­сер­ге, жергілікті кли­ни­ка­ға немесе АИТВ-ны ер­те­ диагностикалау үшін ма­ман­дандырылған ЖИТС орта­лы­ғына хабарласуға болады.

 

Ақмарал ЖАМАНОВА,

Астана қаласы әкімдігі АИТВ-инфекциясының алдын алу орталығының дәрігері