Қоғам • 26 Қараша, 2023

АҚШ-тан жеңіспен оралды

143 рет
көрсетілді
1 мин
оқу үшін

Алматы қаласындағы химия-биология бағытындағы NIS оқушылары АҚШ-та өткен «Yale Tournament of Champions-2023» жаһандық академиялық сайыстың жеңімпазы атанды.

АҚШ-тан жеңіспен оралды

Зияткерлер биыл жаз айында Оңтүстік Кореяда «The World Scholar’s Cup-2023» континенттік турнирінде үздік команда деп танылып, чемпиондар біріншілігінің ақтық кезеңіне жолдама алған болатын. Әйгілі Айви лигасына кіретін Йель университетін­де өткен дәстүрлі чемпиондар тур­нирінде әлемнің қырықтан ас­там елінен 3 мыңға жуық оқушы «Scholar’s Challenge», «Scholar’s bowl», «Team Debate», «Collaborative Writing» бағыттарында бақ сынады. Тартысты сайыста елімізден барған зияткерлер оза шауып төрт алтын және бір күміс медальді қанжығалады.

Алтын медаль Айла Сайлау­бекке «Scholar’s Challenge» санатында бұйырса, Айлин Қажымұқан «Team Debate», Ерасыл Серіков пен Еңлік Берікжан «Scholar’s bowl» санатында жеңіске жетті. «CollaborativeWriting» бойынша Балнұр Аманжол алтын медаль, Мұстафарыза Шахин күміс медальді еншіледі. Командалық жарыста Айла Сайлаубек, Айлин Қажымұқан, Мұстафарыза Шахин Орталық Азияның ең үздік командасы атағын жеңіп алып, алтын медаль иегері атанды.

Ағылшын тілі және жаһандық перспективалар мен жобалық ­жұ­мыс пәндері мұғалімі Әйгерім Се­­рік­баеваның айтуынша, чем­пиондар турнирін тек кезекті жа­һан­дық жарыс деп айту аздық ете­ді. Жеңімпаздар мықты деген коман­далармен, сонымен бірге Йель университетінің профессорларымен және студенттерімен кездесті.

АҚШ-тың жетекші универ­ситетіне түсу үшін «World Scholar’s Cup» әлемдік кубогі сайысын­дағы жетістіктерін портфолиола­рында қалай пайдалануға болаты­нына арналған пікірталаста NIS оқушылары тың ақпараттармен танысуға мүмкіндік алды.

 

АЛМАТЫ