Аймақтар • 28 Қараша, 2023

Ақпараттық жүйеге енгізілді

148 рет
көрсетілді
3 мин
оқу үшін

Өңірде цифрландыру жұмыстары белгіленген жоспарға сәйкес іске асырылып жатыр. «Цифрлы Қазақстан» бағдарламасы аясында облыс бойынша мемлекеттік қала құрылысы кадастрының автоматтандырылған ақпараттық жүйесін құруға бірнеше жыл бұрын басымдық берілген болатын. Нәтижесінде, республикалық мемлекеттік қала құрылысын жоспарлау және кадастр орталығымен меморондум жасалып, іс-шара жоспары бекітілді. Сол жоспар аясында облыста бірқатар ауқымды жұмыс қолға алынды. Оның дені уақтылы аяқталды.

Ақпараттық жүйеге енгізілді

– Шу қаласы мен 10 аудан орталығына аэро­фототүсірілім жүргізу жұмысының ма­ңы­зы зор екені анық. Өйткені қазір ақпарат­тық жүйенің дәурені жүріп тұр. Сондықтан да біз белгіленген жоспарға сәйкес Тараз қаласы мен аудан орталықтарындағы құры­лыс жұмыс­тары жүргізілген аумақтың инже­нерлік инфра­құрылымын түгендеу жұмыс­тарын уақтылы атқар­дық. Жыл бұрын халық саны бес мың­нан асатын елді мекендердегі 4 886 гектар аумақтың инженерлік жүйелері­не түгендеу жұмыстарына жергілікті бюджет­тен қаражат бөлінді. Қолға ал­ған жұмыс дер кезінде іске асырылды, – деді облыстық сәулет және қала құры­лысы бас­қармасының басшысы Айтқазы Қарабалаев.

Оның айтуынша, халық саны 5 мыңнан асатын елді мекендерді ақпараттық жүйеге енгізу жұмысы осы жылы да сәтімен жалғас­қан. Қолға алынған жұмыс уақтылы жүзеге асы­рылған екен. Нәтижесінде, 6011,95 гектар аумақ­тың инженерлік жүйесі толыққан­ды зерделенген. Осылайша, аудандардағы жұмыстар уақтылы әрі сапалы аяқталған. Ал Тараз қаласы бойынша қолға алынған іс жыл соңына дейін тәмамдалмақ.

А.Қарабалаев келтірген дерекке жүгін­сек, «Цифрландыру, ғылым және технологиялық серпіліс» ұлттық жобасын іске асыру бойын­ша да бірқатар жұмыс атқарылған. Қала құрылысы кадастрының цифрлы жоспарлы негізін құру үшін елді мекендердің құры­лыс жұмыстары жүргізілген аумағының инженерлік-инфрақұрылымдық жүйелері толықтай геодезиялық-топографиялық зерделеуден өтеді. Бұл жұмыстың маңызы зор.

– Облыс бойынша барлығы 371 елді ме­кен­нің 12-сінің қала құрылысы жобаларын ­цифрландыру жұмыстары бірнеше жыл бұ­рын «Қазгиса» ЖШС тарапынан жүзеге ас­қан болатын. Биыл қалған елді мекен­дердің бас жоспарын цифрландыру жоспарланып, қа­зір­гі күнге 355 елді мекеннің жобасы гео­пор­тал­ға енгізілді. Қалған 4 елді мекеннің бас жос­парын цифрландыру жұмыстары алдағы күндері аяқталмақ. Талас ауданына қарасты Көшек батыр ауылының оңтайландырыл­ған сызбасын әзірлеу жұмыстары аудан әкім­дігі тарапынан атқарылып жатыр. Аталған жұмыс аяқталған жағдайда облыс бойынша барлық елді мекеннің бас жоспары облыстың геопорталына 100 пайыз енгізілмек, – деп нақтылады басқарма басшысы.

А.Қарабалаевтың айтуынша, осы жылдың басында аэрофототүсірілім жұмысына қа­жет­ті қаражат қарастырылып, конкурс негі­зінде мердігер болып «Қазгиса» ЖШС анық­талған. Серіктестік мамыр айында Жаңа­тас, Қаратау және Шу (Төле би ауылы) қала­ларына аэро­фототүсірілім жұмысын жүр­гізген. Заңна­ма талаптарына сәйкес Қор­­ғаныс министрлігі­нің камералдық қара­уы­нан өтіп, келісім алынған. «Салаға қатыс­ты цифрландыру жұмысы жоспарға сәйкес іске асырылып жатыр. Таяуда Бауыржан Мо­мыш­ұлы, Қордай, Мойынқұм, Меркі, Құлан, Аса, Сары­кемер ауылдарына ұшқышсыз ұшу аппараты аэрофототүсірілім жұмысын жүргізді», деді бас­қарма басшысы.

 

Жамбыл облысы