Атап айтқанда, мемлекеттік көрсетілетін қызметтер тізілімі арнаулы кәсіби мемлекеттік жәрдемақылар тағайындау тармағымен толықтырылды.
Түсіндірілгендей, 2024 жылғы 1 қаңтардан бастап зиянды еңбек жағдайларында жұмыс істейтін қызметкерлерге өнеркәсіп пен салаларды дамытуға қосқан қомақты үлесін ескере отырып, зейнеткерлік жасқа жеткенге дейін 55 жастан бастап арнайы әлеуметтік төлемдерді енгізу жоспарланып жатыр. Қызметкердің денсаулығына келтірілген зиянның дәрежесі ескеріледі.
Осыған байланысты «Қазақстан Республикасының кейбір заңнамалық актілеріне қоғамдық бірлестіктер мәселелері бойынша өзгерістер мен толықтырулар енгізу туралы» заң жобасы аясында тәсілдер әзірленді.
Заң жобасында төрт төлем көзінен тұратын МКҚК қарастырылған, оның бірі - республикалық бюджеттен төленетін арнайы кәсіби мемлекеттік жәрдемақы.
Қазіргі уақытта заң жобасы Қазақстан Республикасы Парламенті Сенатында қаралып жатыр.
Құжат жобасы 20 желтоқсанға дейін қоғамдық талқылау үшін «Ашық НҚА» сайтында орналастырылған.
Қазақстандық кеншілер жаңа әлеуметтік жеңілдіктерге ие болатыны бұған дейін хабарланған болатын. Еңбек министрлігі зиянды еңбек жағдайларында жұмыс істейтін қызметкерлерге арнаулы кәсіби мемлекеттік жәрдемақыларды тағайындау, жүзеге асыру, тоқтата тұру, жаңарту және төлеуді тоқтату қағидаларының жобасын әзірледі.
2024-2026 жылдарға арналған арнаулы кәсіби мемлекеттік жәрдемақыларды төлеуге арналған республикалық бюджеттен шығыстар 84 754,8 млн теңгені құрайды.
