Түркия чемпионатының 15-турында аталған командалар 1:1 есебімен тең түскен. Бас төреші Мелер алғашқы таймда «Анкарагюджю» командасы соққан голды есепке алмай, ойынның 50-ші минутында осы команданың бір ойыншысына қызыл қағаз көрсеткен.
Ойын соңына дейін он ойыншымен қалуға мәжбүр болған командаға 97-минутта қарсыластары гол соғып кеткен.
Осы іс-әрекеттерге шамданған «Анкарагюджю» президенті алаңға атып шығып, төрешінің бетінен ұрған.
Соңынан оған алаңдағы басқа адамдар да қосылып төрешіні тепкінің астына алған.
Халил Умут Мелерге алғашқы медициналық көмек көрсетіліп, кейіннен ауруханаға жатқызылған.
