29 жастағы қандасымыз аталған жарысқа дейін жартылай орта салмақтағы файтерлердің рейтингінде бесінші орында тұрған. Ал кейінгі жарқын жеңісінен кейін Рахмонов екі сатыға жоғарлап, қазіргі кезде үшінші орынды еншілеуде. Оның алдында – тек 36 жастағы Камару Усман мен 35 жастағы Белал Мұхаммад. Олар АҚШ-тың туы астында өнер көрсеткенімен, екеуінің де шыққан тегі мүлдем басқа. Атап айтсақ, Усман Нигерияның Аучи қаласында туып өсті, ал Белалдың ата-аналары – Палестинаның тумалары.
Әзірге бұл салмақтың чемпиондық атағы Леон Эдварсқа тиесілі. Ямайкада дүниеге келген 32 жастағы «Рокки» бүгінгі таңда Ұлыбританияда тұрып жатыр және де сол елдің намысын қорғауда.
