Арнайы безендірілген пойыздар ақпан айына дейін жүреді. Жолсеріктер Аяз Ата, Ақшақар рөлін сомдап, жолаушыларды мерекемен құттықтап, балаларға сыйлықтар беруді бастады. Ертегі кейіпкерлеріне кезіккен балалар жаттаған тақпақтарын белсене айтып жүр.
Жаңа жыл мерекесін жыл сайын пойызда қарсы алатындар аз емес. Сондай жолаушылардың айтуларынша, жаңа жылдық кеште пойыз өзгеше тыныштық атмосферасына бөленіп, мерекелік көңіл-күйге толығымен енуге және келер жылға жоспарлар құруға мүмкіндік береді. Ал жаңа жылдық стильде безендірілген пойыз мерекені неғұрлым үстемелей сезіндіреді.
