Аймақтар • 04 Қаңтар, 2024

«Әулиеата» сериясы жарық көрді

151 рет
көрсетілді
1 мин
оқу үшін

2022 жылдың соңында жергілікті қаламгерлермен кездес­кен облыс басшылығы жергілікті қазынадан 50 миллион теңге қаржы бөліп, жамбылдық ақын-жазушылардың жинағын шығаруға уәде берген болатын.

«Әулиеата» сериясы жарық көрді

Өңір басшысы Ербол Қа­ра­шөкеев баянды бастама­ны аяғына дейін жеткізді. Бюд­жеттен бөлінген қаражатқа Қа­зақстан Жазушылар одағының өңір­дегі мүшелерінің және бір­неше автордың поэзия, проза жан­рындағы жинақтары жа­рық көрді. Жоба аясында қалам­герлерге қаламақы берілмек.

Кітаптардың тұсаукесеріне қа­тысқан облыс әкімі Ербол Қара­шөкеев алдағы уақытта да қаламгерлерді қолдау мақ­сатында бірқатар жұмыстар қолға алынатынын айтты. Іс-шара барысында Ербол Қарашөкеев зиялы қауым өкілдері айтқан маңызды ұсыныстарды зерделеп, мәдениет, руханият ба­ғытындағы өзекті мәселелерді талқылады.

Кездесуде өңірде әде­би орта құру, білім мен мәде­ниет ошақтарының санын арт­ты­ру, қаламгерлердің шығар­ма­шылығын көпшілік арасында на­си­хаттау секілді мәселелер кө­терілді.

Жамбылдық қаламгерлердің жинақтарын басып шығарған «Абай» баспасының директоры, ақын Ақберен Елгезек «Әулиеата» сериясы жобасын іске асыру, ақын-жазушылардың қаламақысын ретке келтіру туралы пікірін ортаға салды.

Ербол Қарашөкеев барлық ұтымды ұсыныс-пікірлерді қол­дап, олардың міндетті түр­де назарға алынатынын айтты. Сондай-ақ ол өз сөзінде «Әулиеата» сериясы аясында кітапхана қорын молайту, кітап­тардың электрондық нұс­қа­сын жасау ісіне көңіл бөлу қа­жет­тігіне тоқталып, махаббат рәмі­зіне айналған Қарахан мен Айша бибіге арнап поэма, роман жа­зылса, фильм түсіруге қолдау көрсетуге ниетті екенін жеткізді.

 

Тараз