Фото: Ашық дереккөз
Облыстық полиция департаменті баспасөз қызметінің мәліметінше жол-көлік апаты Астана-Петропавл тасжолының 216-шақырымы тұсында 2 қаңтар күні болған. Оқиға орнына жеткен полиция қызметкерлері бір уақытта 15 шақты көліктің апатқа ұшырағанын анықтаған.
Ведомство хабарламасында: «Құрбан болғандар жоқ. 37 жастағы ер адам, 33 жастағы әйел адам, 9-дағы бала түрлі жарақатпен Макинск ауруханасына жеткізілді. Зардап шеккендер ештеңеге шағымданбады», делінген.
ҚР ҚК-нің 610-бабы («Көлік жүргізушілерінің адамдардың денсаулығына зардабын тигізіп, көлік немесе өзге мүлкін бүлдіруге алып келген жол ережесін бұзу») бойынша екі көлік жүргізушісіне әкімшілік хаттама толтырылды.
