Сонымен қатар Ресей премьер-министрі ЕАЭО елдерін Иранмен еркін сауда туралы келісімнің күшіне енуі үшін қажетті процедураларды жеделдетуге шақырды. «Өткен жылы Иранмен еркін сауда туралы келісімге қол қойылды. Оны жүзеге асыру біздің компанияларға осы елдің нарығын қамтамасыз ету үшін кең мүмкіндіктер ашады. Бұл жерде құжаттың заңды күшіне енуі үшін қажетті процедураларды жедел орындау керек», деді Мишустин.
Оның айтуынша, Моңғолиямен уақытша еркін сауда келісімі бойынша, сондай-ақ Вьетнаммен қолданыстағы келісімді жетілдіру мәселелері пысықталуда, Мысырмен диалогта айтарлықтай жетістіктерге қол жеткізілді, БАӘ және Индонезиямен келіссөздер жүргізілуде.
«Барлығы еуразиялық тауарларды ең перспективалы, премиум нарықтарға, достық мемлекеттерге қайта бағдарлау жағдайында ерекше маңызды», деп түйіндеді Мишустин.
Жұма күні Алматыда Армения Премьер-министрі Никол Пашинянның төрағалығымен ЕАЭО үкімет басшылары мен ЕЭК Алқасының Төрағасы Бақытжан Сағынтаевтың қатысуымен Еуразиялық үкіметаралық кеңестің отырысы өтті.
