Фото: aqtobegazeti.kz
Қарағанды облысының батысында, солтүстігінде бұрқасын, күндіз облыстың басым бөлігінде бұрқасын, көктайғақ болады. Оңтүстік-шығыстан соғатын жел оңтүстік-батысқа ауысады, екпіні 15-20 м/с, облыстың батысында, солтүстігінде кей уақытта 23-28 м/с болады.
Қызылорда облысында қар аралас жаңбыр жауады. Облыстың солтүстігінде, орталығында көктайғақ, бұрқасын болады. Жел оңтүстік-батыстан соғып, күші 15-20, облыстың орталығында екпіні секундына 23-28 метрге жетеді.
Атырау облысының оңтүстігінде, шығысында жаяу бұрқасын, тұман, көктайғақ болады деп болжанып отыр. Батыстан жел соғады, түнде екпіні секундына 18-23 метрге, күндіз облыстың оңтүстігінде, шығысында секундына 15-20 метрге дейін жетеді.
Болжам бойынша, Ұлытау облысының басым бөлігінде бұрқасын, көктайғақ күтіледі. Оңтүстік-шығыстан соғатын жел оңтүстік-батысқа ауысады, екпіні 15-20 м/с, облыстың солтүстігінде, шығысында кей уақытта 23-28 м/с болады.
Түркістан облысының таулы және тау бөктерлі аудандарында жаңбыр мен қар түріндегі жауын-шашын түседі. Облыстың солтүстігінде, таулы аудандарында көктайғақ, жаяу бұрқасын болады.
Шымкентте де таңертең және күндіз қар аралас жаңбыр жауады. Оңтүстік-батыстан, батыстан соғатын желдің екпіні 15-20 м/с, таңертең және күндіз 25 м/с дейін жетеді..
Батыс Қазақстан облысының шығысында қар жауып, облыстың солтүстігінде, шығысында көктайғақ болады. Облыстың солтүстік-шығысында бұрқасын болады деп болжанып отыр. Жел оңтүстік-батыстан, батыстан соғады, түнде екпіні 15-20 м/с болады.
Астанада таңертең және күндіз бұрқасын, көктайғақ болады. Оңтүстік-шығыстан соғатын жел оңтүстік-батысқа ауысып, екпіні секундына 15-20 метрге, кей уақытта секундына 23-28 метрге жетеді.
Шығыс Қазақстан облысының батысында, оңтүстік-шығысында және орталығында жел соғып, екпіні 15-20 м/с болады.
Абай облысының солтүстігінде, оңтүстігінде, орталығында жел оңтүстік-шығыстан соғады, күндіз екпіні - 23-28 м/с дейін жетеді.
Жетісу облысының солтүстігінде, шығысында оңтүстік-батыстан жел соғады, екпіні 15-20 м/с, Алакөл көлдері ауданында кей уақыттарда 23-28 м/с болады.
Мамандардың айтуынша, Маңғыстау облысының солтүстігінде көктайғақ болады. Батыстан жел соғады, облыстың батысында, солтүстігінде, шығысында екпіні 15-20 м/с, кей уақыттарда 23 м/с болады.
Ал Павлодар облысының батысында, оңтүстігінде бұрқасын күтіледі. Оңтүстік-батыстан жел соғады, күндіз облыстың батысында, оңтүстігінде екпіні 15-20 м/с дейін жетеді.
Жамбыл облысының батысында, оңтүстігінде, таулы аудандарында көктайғақ болады. Облыстың таулы аудандарында жаяу бұрқасын күтіледі.
