Фото: UKIMET телеграм арнасы
Қаржы, экономика министрлерінің баяндамасынан соң Олжас Бектенов республика көлемінде аса маңызы жоқ мәселелерге бюджет қаражатын шығындауды шектеу керек екенін айтты.
«Қаржы министрлігі 10 күн ішінде республикалық бюджетке және бір ай ішінде жергілікті бюджеттердің барлығына ревизия жүргізіп, аса маңызы жоқ шығыстарды айтарлықтай қысқартуы тиіс. Ешкім де ақшаны орынсыз шашпауы керек», деді Олжас Бектенов.
Cонымен қатар Премьер-министр Салық кодексінің жобасын қайта жазып, оның философиясын өзгерту мәселесін ортаға салды. Ол Салық кодексіне өзгерістер енгізу барысында құжатты дайындауды толық цифрландырып, салық жеңілдіктерін беру мәселесін реттеуді ескертті.
«Сарапшылар мен бизнес қоғамдастықтарының пікірлерін ескеру қажет. Салық кодексі бизнестің белсенді болуына жағдай жасап, оны ұлғайтуға ынталандыруы керек», деді Үкімет басшысы.
