Фото: gov.kz
Шығыс Қазақстан облысындағы Үлбі өзенінен алынған су сынамасында марганец көрсеткіші 4,5 есе артық болғаны анықталды.
«Аймақта тау-кен өндірісін жүргізетін компания тазарту жұмыстарын тиімді жүргізбеу себебінен Үлбі өзеніне көптеген өндірістік қалдық-ағындар жіберілген. Аталған факт негізінде «Қазцинк» ЖШС-не жоспардан тыс тексеру жүргізілді. Дәлелді, қорытындылар негізінде «Қазцинк» ЖШС-не 50 млн теңге көлемінде әкімшілік айыппұл салынды, сондай-ақ бұзушылықтарды жою туралы нұсқама берілді», делінген Экология және табиғи ресурстар министрлігінің Экологиялық реттеу және бақылау комитетінің хабарламасында.
