Аймақтар • 23 Ақпан, 2024

Асыл тұқымды жылқылар иелеріне қайтарылды

72 рет
көрсетілді
1 мин
оқу үшін

Полицейлер 2,5 млн теңге тұратын асыл тұқымды жылқыларды іздеп тауып, иелеріне қайтарып берді. Арызданушылардың айтуынша, жылқылар түнде ат қорадан жоғалып кеткен. Іздеуге учаскелік инспекторлар мен криминалдық полиция қызметкерлері жұмылдырылып, нәтижесінде жылқылар жарты күн ішінде табылған, деп хабарлайды Egemen.kz Polisia.kz-ке сілтеме жасап.

Асыл тұқымды жылқылар иелеріне қайтарылды

Фото: Polisia.kz

Оқиға Шымкент қаласының Абай ауданында болған. Мекенжайынан бірнеше шақырым жерде жайылып жүрген жылқылар иелеріне қайтарылды. Тұрғындар өз кезегінде полицейлерге жедел жұмысы үшін алғыс білдірді.

«Құқық бұзушылар ҚР ӘҚБтК-нің 408 және 406-баптары бойынша әкімшілік жауапкершілікке тартылды», делінген хабарламада.