Осы жарыста Алматы қаласының намысын қорғаған оқушылар біраз жүлдені жеңіп алды. №124 мектептің «Team 124» командасы «Winning Alliance 2nd pick» және «think award 2st place» аталымдарымен қоса, Лондонда өтетін халықаралық «UK first championship 2024» жарысына, ал №206 мектеп-гимназиясының оқушысы Томирис Оңғарбек АҚШ-тың Хьюстон қаласында өтетін «2024 FIRST Championship, Houston» жарысына қатысуға жолдама жеңіп алды.
Елордада өткен аламан жарыста Алматының «Qazaq Style» командасы (№62, №119, №124, №200, №81, №202 мектеп оқушылары) «think award 1st place», «Best Pit Award» жүлделерін, №81 мектеп-гимназиясының «Redstone» құрама командасы «connect award 3rd place» аталымында топ жарды.
Алматыдағы Білім-инновация лицейі мен М.Базарбаев атындағы №138 гимназия оқушыларынан құралған «Sana team» командасы «motivate award winner» пен «Best Mascot finalist», «Best Uniform Award finalist» атты атаулы сыйлықтарға лайықты деп табылса, №178 лицейінің «zok Junoirs» командасы «innovate award 3rd place» аталымын, М.Мақатаев атындағы №140 гимназияның «uly dala» құрама командасы First Lego League бағытындағы беделді «breakthrough award» жүлделерін иеленді.
Алматылықтардың жеңісі мұнымен шектелмейді. Жеңіс тұғырынан көрінген мектеп түлектері, сондай-ақ еліміздің беделді жоғары оқу орындарының гранттарын да жеңіп алған.
Мысалы, Қ.Сәтбаев университетінің таңдауы – БИЛ лицейінің оқушысы Спандияр Тұяқбай мен №39 мамандандырылған лицейінің оқушысы Маликов Мейіржанға түсіпті.
Ал АУЭС – М.Базарбаев атындағы №138 гимназия оқушысы Амангелді Шолпан, №81 мектеп-гимназия оқушысы Әлрахат Үмітхан, №140 М.Мақатаев атындағы гимназия оқушысы Нұрила Бердалы мен Мөлдір Бекенқызы, №178 мамандандырылған лицейінің оқушысы Олжас Санатұлы сынды таланттарды студент ретінде қабылдауға дайын.
Сонымен қатар Еуропалық оқу орындарына 100% жеңілдікпен түсуге кепілдік беретін қолдау гранты №200 мектеп-гимназиясының оқушысы Мира Демеуғалиева мен №178 мамандандырылған лицейінің оқушысы Алуа Төлендіге бұйырды.
АЛМАТЫ
