Бүгін Мәжілісте жасанды интеллектті дамыту мен қолдануды құқықтық реттеу мәселелеріне арналған жиын өтті.
«Шартты түрде, Siri, Алиса немесе басқа жүйелер қазақ тілінде сөйлеуі үшін не керек? Қазақ тіліндегі сөздерді қолдану тұрғысынан үлкен көлем қажет. Бір сөз бес жүз немесе мыңдаған түрлі контексте қолданылуы мүмкін, онда машина, алгоритмді түсіну керек. Сондықтан бұл үлкен жұмыс», деді депутат журналистердің сұрағына жауап бере отырып.
Оның айтуынша, бүгінде үкімет те, жоғары оқу орындары да бұл бағытта жұмыс істеп жатыр.
«Біз қазақ тілін танымал етуіміз керек, қазақ тілін ғылым тіліне айналдыруымыз керек, ол үшін жасанды интеллект жүйелері қазақ тілін жақсы түсініп, оны қолдануы керек», деп түсіндірді Аймағамбетов.
