Ақпараттар ағыны

*«Азық-түлік келісім­шарт корпорациясы» ҰК» АҚ «ҚазМақта» АҚ-тың 100% ак­циясын сатады. Құрылымның баспасөз қызметі хабарлағандай, бастапқы баға 3 380 051 579 теңге болып отыр. Аукционға қатысуға арналған өтінім үстіміздегі жылдың 5 ақпанына дейін қабылданады. *-Елімізде Оңтүстік Ко­рея компаниясы қуаты 310 мегаватқа жететін ЖЭС салатын болды. Осы­ған орай бекітілген келісім­шарт­тың құны 308 млн. доллар­ды құраған. Станса Кас­пий теңізінің солтүстік жаға­лау­ында орналаспақ. *«Жоғары оқу орнының үздік оқытушысы-2014» рес­публикалық байқауының үз­діктері анықталды. Білім және ғылым министрлігі дәстүрлі түрде ұйымдастыратын шара­ға еліміздегі 90 ЖОО-дан 545 үміткер қатысып, со­ның 200-і жеңімпаз атанды. Атал­мыш байқауда грант ұтып алғандарға әлемнің жетек­ші университеттерінде тағы­лым­дамадан өтуге, өздерінің ғылыми жобаларын жүзеге асыруына мүмкіндік бар. *Алматы облысында 40 отбасы қайта қалпына кел­тірілген көпқабатты тұрғын үйге қоныстанды. Алакөл ау­данында орналасқан бұл үйдегі пәтерлер мүмкіндігі шектеулі адамдарға, көпбалалы аналарға, мемлекеттік қызметшілер мен жас отбасыларға берілген. Оның жөндеу жұмыстарына «Қол­жетімді баспана-2020» бағдарламасы аясында 230 млн. теңгеден астам қаржы бө­лінген. *Қарағанды өңіріндегі Дос­кей ауылында жаңа дәрі­герлік амбулатория ашылды. Облыс әкімдігінің бас­пасөз қызметінің дере­гін­ше, бұл мекеменің құры­лы­сы мен жабдықталуына респуб­ликалық қазынадан 170 млн. теңге көлемінде қара­жат жұмсалған. Енді ауыл тұрғындары сапалы меди­ци­налық қызметті қалаға бармай-ақ, өздерінің тұрғы­лық­ты жерінде ала алады. Жаңа ғимаратта 42 бөлме мен педиатрия блогы жұмыс іс­тейді. Санитарлық автокөлік, жал­пы тәжірибедегі екі дәрі­гер, 7 медицина қызметкері халық­қа қызмет көрсетуге дайын. Сондай-ақ, алдағы уақыт­та мұнда қосымша дәріха­на, фти­зио­терапия кабинеті, күн­діз­гі стационар ашу көзделіп отыр. *Түркістанда кәсіп­кер­лерге қызмет көрсету орталығы пайдалануға бе­рілді. Оңтүстік Қазақстан об­лысы «Даму» кәсіпкерлікті дамыту қорының баспасөз қызметі атап көрсеткендей, онда «бір терезе» қағидаты бойынша кәсіпкерлер үшін қызметтер кешені ұсынылады. Сондай-ақ, жаңа орталықта шағын және орта бизнесті мемлекеттік қолдау және дамыту шаралары туралы да мағлұматтар беріледі. *Ақтөбеде аймақтық си­муляциялық орталық өз жұ­мысын бастады. Мұнда аку­шер ісі және гинекология, хирур­гия мен терапия, мед­бике ісі сыныптары қызмет көр­сете­ді. Айта кетейік, зама­науи си­му­ляторлармен жаб­дық­талған бұл оқу орталығында 50 млн. теңгеге сатып алынған роботтар бар. *Солтүстік Қазақстанда жа­ңа мешіт ашылды. «Қызыл­жар» орталық мешітінің бас­пасөз қызметі Есіл ауда­нын­дағы Жарғайың ауылында бой көтерген мешітті жеке кәсіпкер Дулат Қалитов өз қаражатына салғанын мәлімдеді. Ғиба­дат­ханада кітапхана, асхана жұмыс істейді. *Ақтауда мәдениет пен спортты дамыту ісі бас­ты назарда тұр. Қалалық эко­но­мика және бюджеттік жос­парлау бөлімінің бастығы Ада Кимнің сөзіне қарағанда, биыл 496 млн. теңгеден астам қаржы аталған салаларды өрістетуге жұмсалатын көрінеді. Хабарлар Үкімет, облыстық әкімдіктер сайттары мен «ҚазАқпарат» агенттігінің деректері бойынша дайындалды.