Айта кетсек, аталған мекеме зейнет жасына жеткен белсенді, өмір жасын ұзартуды көздеген қариялар мен кейуаналардың денсаулығын қолдауға және олардың бос уақытын тиімді ұйымдастыруға толық мүмкіндік жасауға бағытталған.
«Әрбір ұрпақтың ел-жұртының, оның ішінде аға буын алдындағы адамдық әрі азаматтық парыздары болады. Үлкенге құрмет көрсету – жас ұрпақтың міндеті. Осы орайда, жамбылдық аналар «Таза Қазақстан» акциясы аясында 100 гүл екті. Бүгінгі іс-шарамыз да осындай ізгі істің жалғасы болмақ», деді ҚХА Аналар кеңесінің төрайымы Эльмира Иниятқызы.
Аталған облыс бойынша 162 аналар алқасы құрылған, соңдағы 700-дей ана игі істерге ұйытқы болып, белсенді жұмыс атқарып отыр.
