Фото: Атырау облысының ТЖ жөніндегі жедел штабы
Атырау қаласы әкімінің орынбасары Нұржан Ермұхановтың айтуынша, Атырау-Индер тасжолының 27-ші шақырымында жедел қалпына келтіру жұмыстары жүріп жатыр.
«Талдыкөл ауылындағы газ құбырының айналасынан су ағып, топырақ пен трассаның опырылуына әкелді. Зардап шеккендер жоқ. Газ құбырының немесе газ таратудың зақымдануы туралы деректер тіркелген жоқ. Атырау облысының жолаушылар көлігі және автомобиль жолдары басқармасының мамандары жедел қалпына келтіру жұмыстарын жүргізіп жатыр. Төрт арнайы техника мен 15 маман жұмылдырылды. Бүгін кешке дейін жол толығымен қалпына келтіріледі», деді Атырау қаласы әкімінің орынбасары Нұржан Ермұханов.
27 мен 28 шақырым аралығында автокөлік жүргізушілері айналма жолмен жүруге мүмкіндік жасалынды. Атырау қалалық полиция басқармасының жол инспекциясының қызметкерлері жол қауіпсіздігін қамтамасыз етіп жатыр.
Қырмызы ЖҰМАҒАЛИҚЫЗЫ,
ЕҰУ студенті
