Фото: Фото: REUTERS
Иранда Президент сайлауын өткізу графигін президенттің міндетін уақытша атқарып жүрген Иранның бірінші вице-президенті Мұхаммад Мохбер, сот жүйесінің басшысы Голам Хоссейн Мохсени-Эджей мен Парламент спикері Мохаммад Багер Галибаф, сондай-ақ президенттің құқықтық мәселелер жөніндегі вице-президенті Мохаммад Дехган мен үкімет өкілдері бекіткен.
Иран Конституциясының 131-бабына сәйкес, егер президент өз міндетін атқара алмаса, атқарушы билік уақытша бірінші вице-президенттің қолына өтеді, ол 50 күн ішінде жаңа президентті сайлауды ұйымдастыруға міндетті.
Кездесу жиынында қатысушылар атқарушы делегацияларды жасақтау, кандидаттарды тіркеу және сайлау науқандарын бастауды қамтитын сайлау процесінің кестесін жариялады.
Кестеге сәйкес, кандидаттарды тіркеу 30 мамырдан 3 маусымға дейін жүргізіледі. Содан кейін кандидаттар 12-27 маусым аралығында сайлауалды үгіт-насихат жұмыстарын жүргізуі керек.
Бұған дейін Иран президенті Ибрахим Раиси мен оның командасының кейбір мүшелері, Сыртқы істер министрі Хосейн Амир Абдоллахиан Теһраннан шамамен 670 шақырым жерде Варзакан ауданы маңында тікұшақ апатынан қаза болғанын хабарлаған едік.
