Туризм • 28 Мамыр, 2024

Еліміздің тарихи бай мұрасы туристерді тартуға серпін береді - сенатор

57 рет
көрсетілді
1 мин
оқу үшін

Сенаттың Әлеуметтік-мәдени даму және ғылым комитетінің төрағасы Нұртөре Жүсіп туризм және спорт министрі Ермек Маржықпаевпен кездесті, деп хабарлайды Egemen.kz.

Еліміздің тарихи бай мұрасы туристерді тартуға серпін береді - сенатор

Фото: А.Байжұманов

Сенаттың баспасөз қызметі мәлім еткендей, кездесуде туристік саланы дамыту, спорт және дене шынықтыру саласындағы мемлекеттік жастар саясатын іске асыру, спортшыларды алдағы Олимпиада ойындарына дайындау, сондай-ақ ойын бизнесінің жарнамасы мен насихаттауға жауапкершілікті күшейту мәселелерін талқылады.

Парламентші туризмді дамытуға Сенат депутаттары ерекше назар аударып отырғанын атап өтті. Еліміздің тарихи бай мұрасы, ұлттық ерекшелігі, көрікті табиғаты шетелдік туристердің көптеп келуін тартуға серпін бере алады.

«Президент туризмді дамыту мәселесіне ұдайы назар аударып отырады және серпінді жобаларды іске асыру қажеттігін атап өткен еді. Алайда, аталған салада әлі де елеулі нәтижеге жете алмадық, сондықтан кем дегенде 15 ірі жобаның тізімін пысықтау маңызды екені даусыз. Ол үшін шетелдік инвесторлар мен отандық бизнесті де тарту қажет. Сенаторлар экономиканы нығайту мен еліміздің дамуына осы міндеттердің маңызы зор деп санайды және Үкіметті осы бағытта кешенді түрде жұмыс жүргізуге шақырады. Қажет болған жағдайда Мемлекет басшысының тапсырмаларын сапалы және уақтылы орындауға бағытталған ауқымды шараларды көздейтін тиісті құжаттарды әзірлеу керек. Парламент осы міндеттерді іске асыруда жан-жақты көмек көрсетуге дайын», деді Нұртөре Жүсіп.

Ермек Маржықпаев өз кезегінде министрліктің ағымдағы қызметі, спортшыларды халықаралық жарыстарға дайындау мен туризм, спорт және ойын бизнесі саласындағы заңнаманы жетілдіру жұмыстары туралы айтты.