Алматы облысы полиция департаментінің хабарлауынша, автобус жүргізушісі ұсталды. ЖКО фактісі бойынша тергеу жүргізілуде.
- Алдын ала мәліметтерге сәйкес, Yutong автобусының жүргізушісі қашықтықты сақтамаған және Mercedes Benz 2540l Actros жүк көлігімен соқтығысуға жол берген. Апат салдарынан алдыңғы орындықта отырған екінші автобус жүргізушісі жарақат алып, оқиға орнында қайтыс болды, - деп хабарлады полиция.
Апат кезінде автобус салонында 40 жолаушы болған. Олардың он бірі түрлі жарақат алды. Бір адам ауруханаға жатқызылды, қалғандары амбулаториялық емделуге жіберілді.
