Ақмола облысында 20 күнде 1684 автокөлік айыптұрағына жеткізілді

КӨКШЕТАУ. 16 қаңтар. Сот орындаушылары Ақмола облыстық ішкі істер депаратментінің әкімшілік полиция қызметкерлерімен бірлесіп, 1684 автокөлікті айыптұрағына қойғызды. Құқық қорғаушылар мұндай нәтижеге «Борышкер» арнайы операциясының нәтижесінде қол жеткізіп отыр. Бұл туралы egemen.kz тілшісі хабарлады. Соңғы 20 күн бойы әкімшілік полицияның жол-патрульдік полициясы мен облыстағы сот үкімдерін орындаушы қызметкерлер күшейтілген режімде жұмыс атқаруда. Осының нәтижесінде автокөлік жүргізушілердің көпшілігі әкімшілік айыппұлдан жалтаруға бейім тұратыны анықталды. Облыстық әділет департаментінің баспасөз қызметі шара басталғалы 1684 автокөлік айып алаңына қойылып, көлік жүргізушілерінен 118 миллион теңге айыппұл мемлекеттің бюджетіне құйылғанын хабарлады. Бақберген Амалбек. Дерек: egemen.kz. Сурет: mgorod.kz.