Фото: forbes.ru
Ақтөбе, Атырау, Маңғыстау және Батыс Қазақстан облыстарының іріктеу кезеңдерінде шахматтан жеңімпаз болған 100 әуесқой Ақтөбеде өткен жартылай финалда бақ сынады. Жартылай финал ойындарының ашылу салтанатына облыс әкімдігі мен мәслихатының және Қазақстан шахмат федерациясының өкілдері қатысты.
9-тур рапид қорытындысы бойынша «Senat Оpen» финалына қатысатын «Батыс» өңірінің жиырма бес өкілі анықталды. Олардың ішіндегі іс-шараға қатысып, үздік ойыншы атанған депутаттар, журналистер, қоғам белсенділері, әйелдер мен 60 жастан асқан қатысушылар арнайы сертификатпен марапатталды.
Турнир барысында тоғызқұмалақтан халықаралық дәрежедегі спорт шебері, екі дүркін әлем чемпионы, Қазақстанның еңбек сіңірген жаттықтырушысы Нұрбек Қабиев бір мезгілде мәслихат депутаттарымен, облыстық және қалалық қоғамдық кеңестердің мүшелерімен, БАҚ өкілдерімен ойын өткізді.
