Әлемдік деңгейдегі әлеует

Ынтымақтастықтың жа­­ңа те­тік­тері елдегі жас­ буын­ның әлеуетін арт­тыруға, жаһан жұртына ортақ өткір мәселелерде бірлесе қам­да­ну­ға ықпал етеді. Бастысы – әлем­ге этносаралық келісім мен жал­пы­ұлттық бірлікті нығайту­да отандық бірегей тәжірибе ұсынылады.

«Бүгінде жастар қанаты­ның­ ха­лық­аралық қызметін да­мы­ту қоғамдық дипломатияның эле­менті саналады. Таяуда Сыртқы істер министрінің орынбасары Әлібек Бақаевпен кездесіп, осы мәселені жан-жақты талқыладық. Бұл өзара қадам еліміз жастарының халықаралық мәдени, ғылыми және білім бағдарламаларына қа­тысуына, жаңашылдыққа бастайды деп сенеміз. Әрі бұл ЮНЕСКО-ның мәдениетаралық диалогті дамыту бағдарламаларына тартуға мүмкіндік береді. Бастама ҚХА-ның 30 жыл­дығына орайластырылған», деді «Ассамблея жастары» РҚБ төрағасы Тимур Жұмырбаев.

Бағдарласақ, ЮНЕСКО жоба­ларының басым көпшілігі жас­тар белсенділігін дамытуды көз­дейді. Мәселен, әлемнің түкпір-түкпірінен келген студенттердің ұйымның штаб-пәтеріндегі тағы­лымдамаларға, жастар форумы секілді түрлі халықаралық іс-шара­ға қатысу мүмкіндігі бар. Тіпті ор­та­­лықтың мәдени жобаларын іске асыруға сеп бола алады. Оның бірі – жас зерттеушілер­ге гранттар үлестіретін «Жібек жолы» жобасы.

«Былтыр маусым айында Париж қаласындағы ЮНЕСКО штаб-пәтерінің жастар жобалары секциясының басшылығымен алғашқы кездесуді өткіздік. Бұл өзара ынтымақтастық аясындағы жобаларды белгілеуге мүмкіндік берді. Сондай-ақ ЮНЕСКО-ның Алматы қаласындағы өңірлік бюросымен байланыс орнатылды. Бұған қоса «Ассамблея жас­тары» ұйымының серіктесі Ұлттық Дельфий комитетіне ЮНЕСКО Клубы мәртебесін беру талқыланды. Өткен жылы креативті жастарды қолдау мақ­­­­сатында «Жастар жалыны» Folk&Art performance» жобасын бастадық. Онда түрлі этнос өкілдері отандық сазгерлердің классикалық шығармаларын ұсынды. Жас таланттарға халық­аралық конкурстарға қатысу және Қазақстанның мәдениетін шетелде таныстыру үшін ұйым­ның гранттары табысталды», деді Т.Жұмырбаев.

«Ассамблея жастары» ұйы­мы ел жастарының әлемдік деңгейдегі әлеуетін арттырып келеді. Германия, Үндістан, Қырғызстан, Ресей, Түрікменстан, Өзбекстан, Франциядағы іс-шараларға белсенді қатысып, мәдениетаралық коммуникация­ны, түрлі әлеуметтік жобаны ілге­рілетуде бастамашы болып жүр.

«Мамыр айында Берлинге ресми іссапармен бардық. Ұйым­ның халықаралық қызметін дамыту мақсатында Германияның қоғамдық ұйымдары өкілдерімен бірқатар кездесу өтті. Онда жастар саясаты саласындағы бірлескен бас­тамаларды іске асыру жолдары талқыланды. Сондай-ақ Бер­лин федералдық жері Өкіл­­дер палатасының мүшесі Катарина Сенгемен жүздестік. Қазақстан мен Германия жас­тарына ортақ мәселелер, жобалар турасында әңгімелестік. Іссапар аясында Қазақстаннан алғаш рет жас­тар істері бойынша Еуропалық басқарушы комитет бюросының құрамына сайландым. Бұл жетістік Қазақстан мен Еуропа жастарының интеграциясын күшейтуге жол ашады. Ұйым Орталық Азия­ның жас­тар қауымдастығымен ынты­мақтастықты нығайтуға да ерекше назар аударады. Ай­мақ мем­­лекеттерімен мәдени, тарихи, білім саласы бойынша бір­­лес­­кен жобаларымыз бар. Қыр­күйек айында Алматы қа­ла­­­сындағы Қазақстан халқы Ассам­блеясының жастар лагері аясында Қырғызстан, Тәжікстан, Түрікменстан және Өзбекстан жастар ұйымдары өкілдерімен басқосамыз», деді ҚХА мүшесі Уәлихан Бахретдинов.

Жастар экономиканың дамуы­на, еліміздің әлеуметтік саласы мен мәдени өміріне белсенді үлес қосып келеді. Олар түрлі инновация мен жаңғыртуға жауап­кершілік арқалап, қоғамдық тұрақтылықты нығайтуға ықпал етіп отыр.