Орталық Президент жанындағы Ұлттық ғылым академиясы мен Қазақстан-Неміс университетінің (ҚНУ) серіктестігі негізінде құрылды.
Ашылу ресімі Президент жанындағы Ұлттық ғылым академиясының президенті, профессор, доктор Ақылбек Күрішбаев пен Қазақстан-Неміс университетінің президенті, профессор, доктор Вольрад Роммельдің құттықтау сөздерімен басталып, орталықтың екі ел арасындағы ғылыми байланыстарды кеңейтуге, бірлескен зерттеу жобаларын жүзеге асыруға және ғылым мен технологияның түрлі салаларына инновацияларды енгізуге стратегиялық маңыздылығын атап өтті.
Академияның жаңартылған ғимаратында жүзеге асырылған алғашқы халықаралық жоба ретінде KGRCC-тің ашылуы академия тарихында ерекше маңызға ие болмақ.
Рәсімге Қазақстан мен Германияның ғылыми және білім беру салаларының жоғары дәрежелі өкілдері, соның ішінде Ұлттық ғылым академиясы мен Қазақстан-Неміс университетінің басшылығы қатысты. Іс-шара Неміс зерттеу қоғамының (DFG) халықаралық байланыстар бөлімінің жетекшісі, доктор Йорг Шнайдер бастаған делегациямен жұмыс кездесуімен жалғасты. Германияның ғылыми өзін-өзі басқару ұйымы ретінде танылған DFG университеттер мен ғылыми-зерттеу мекемелеріндегі ғылыми жобаларды қаржыландыру арқылы ғылымның барлық салаларына қолдау көрсетеді. Сонымен қатар жас ғалымдарды қолдау мен ғылымдағы гендерлік теңдікті қамтамасыз етуге ерекше көңіл бөлінеді.
Кездесу барысында Қазақстан мен Германия арасындағы ғылыми ынтымақтастықты кеңейту перспективалары, бірлескен зерттеу жобаларын қаржыландыру және екі ел ғалымдары үшін желілік бастамаларды құру мүмкіндіктері талқыланып, Қазақ-Неміс ғылыми-зерттеу ынтымақтастық орталығын (KGRCC) құру туралы ресми келісімге қол қойылды.
KGRCC озық зерттеу жобаларын жүзеге асыруға, Қазақстан мен Германия арасындағы академиялық және ғылыми байланыстарды нығайтуға, сондай-ақ ұзақ мерзімді халықаралық ғылыми әріптестіктерді дамытуға бағытталған платформаға айналары сөзсіз.
АЛМАТЫ
