Фото: Қаржылық мониторинг агенттігі
Анықталғандай, өңір тұрғыны 2020-2023 жылдар аралығында рұқсат құжаттарынсыз Ұлытау облысындағы «Восточный карьерінен» марганец рудасын заңсыз өндірумен айналысқан.
Жер қойнауын өз бетінше пайдалану фактілерін тергеп-тексеру барысында карьер орналасқан жер учаскесін пайдалану жөніндегі рұқсат қағазы уәкілетті органдардан берілмегені, сондай-ақ жоғарыда аталған азаматтың тиісті тіркеуі жоқ екені белгілі болған.
«Кейіннен күдікті жалған шот-фактураларды жазып, заңсыз өндірілген марганец рудасын заңдастырып, республика бойынша және өзге мемлекеттерге өткізген. Мемлекетке 1 млрд теңгеден астам шығын келтірілген. Заңсыз өндірілген кен көлемі 16 мың тоннаны құрап, жалпы сомасы 3 млрд теңгеден асады», деп хабарлады Қаржылық мониторинг агенттігінің баспасөз қызметі.
Аталған қылмысты жасаған адамның 337 млн теңгелік жылжымалы және жылжымайтын мүлкі тәркіленген.
