фото Ult.kz
Айыпталушылар азаматтардан ақша алу үшін алдамшы схемаларды қолданған.
Олар әлеуметтік желілерде, сондай-ақ әртүрлі интернет-жарнама платформаларында таунхаустар салуды ұсынатын ақпаратты орналастырған.
Өздерін кәсіпкер ретінде таныстырып, жер телімдері жоқ бола тұра тұтынушылардан алдын ала қаражат алып, оларды құрылыс келісімшартының орындалатынына сендіреді.
Қомақты қаражатты қалтасына басқан алаяқтар келісім-шартта белгіленген мерзімде тұрғын үй салуға уәде беріп, бірақ іс жүзінде орындамай, үлескерлерді әуре-сарсаңға салады.
«Орал қаласы прокуратурасы екі айыпталушының аса ірі көлемде алаяқтық әрекеттер жасағанын дәлелдеді. Сотта айыпталушылар жәбірленушілермен азаматтық-құқықтық қарым-қатынастың бар екенін алға тартып, кінәсін мойындамады. Алайда сот айыпталушыларды кінәлі деп тауып, 6 және 7 жылға бас бостандығынан айырды. 32 үлескерге 490 888 000 теңге көлемінде келтірілген шығын жәбірленушілердің пайдасына толық көлемде өндірілді» делінген БҚО облыстық прокуратурасы баспасөз қызметінің хабарламасында.
