Ратан Навал Тата 1937 жылы Мумбай қаласында дүниеге келген. Ол талай жыл «Tata Group» компаниясын басқарды. Кәсіпкердің жақын досы Сухель Сеттің айтуынша, ол аспаз бен күтушіге әрдайым құрметпен қарап, жиі қонаққа шақыратын болған. 2018 жылы науқас итінің қасында қалып, Букингем сарайына барудан бас тартыпты. Бұл әрекет сол кездегі ханзада Чарльзға ерекше әсер етіп, кәсіпкерді «Нағыз адам» деп атаған еді.
Күзетші робот
Бұдан былай Қытайдың «Куанжай аллеясын» роботтар бақылайды.
Төрт аяқты құлтемір «лингтонг» деп аталады. Қазақша – «дана көз». Атынан аңғарғанымыздай, бұл робот қылт еткенді қалт жібермейді. Жылт еткенді жіті бақылайды. Негізгі міндеті – түнгі қауіпсіздікті қадағалап, қоғамдық тәртіпті қамтамасыз ету әрі өрттің алдын алу. Чэнду қаласы 2026 жылға қарай күнделікті өмірде қолдануға болатын осындай роботтың кем дегенде 100 түрін шығармақшы.
Ұшатын көлік
Қытайдың оңтүстігіндегі Гуанчжоу қаласында ұшатын автокөлік зауыты салынып жатыр.
Қанаты бар көліктер жеке қолданыстан бөлек, қоғамдық қызмет көрсетіп, апатты жағдайда құтқару және туризм кезінде экскурсия жасауға пайдалануға болатындай етіп жасалмақшы. Сонымен қатар ірі мегаполистердегі көлік кептелісі мен қалааралық қозғалыстағы мәселелерді шешуге мүмкіндік береді. Ұшатын көліктерге жылдың аяғына қарай алдын ала тапсырыс қабылдау басталады. Компания жариялаған мәліметке сәйкес, бастапқы бағасы 280 мың АҚШ доллары деп бағаланған.
