Фото: freepik.com
Жол апаты Солтүстік Қазақстан облысының Шал ақын ауданында жергілікті маңызы бар тас жолдың Арай ауылының маңында болған. Салдарынан бір адам қаза тауып, үш адам түрлі дене жарақаттарын алған.
«40 жастағы ВАЗ-2107 автокөлігінің жүргізушісі рульді басқара алмай, үйілген үйіндіге соғылған. Медициналық мекемеге барар жолда болған жол-көлік оқиғасы салдарынан 2024 жылы туған сәби алған жарақаттарынан қайтыс болды. Жүргізуші мен тағы екі жолаушы орталық аудандық ауруханаға жатқызылды», деп хабарлады облыстық полиция департаментінің баспасөз қызметі.
Полицияның жол-көлік оқиғасы фактісі бойынша қажетті сараптамалар мен сотқа дейінгі іс жүргізу үшін қажетті материалдарды жинап жатқандығы хабарланды.
