Ибраһим Е.Бөкетов атындағы Қарағанды университетінің физика-техникалық факультетінің 2-курсында оқиды. Университетте жүрген ол өнерге де жақын. Домбыра ойнайды. Күй шертіп, тебіреніп өлең оқиды.
Мұнымен қоса, Ибраһимнің ғылым саласындағы жетістіктері де жетерлік. Ол қазір жылу энергетикасы мамандығы бойынша білімін тереңдетіп жатыр. Әзірлеп жүрген жобалары да осы тақырып төңірегінде. Оның жылу инфрақұрылымын жетілдіру мақсатында жазған жобасы факультет деканының назарын аударып, марапатын алған.
– Университеттегі табыстарым жеңіске жетуіме көмектесті. Спортпен шұғылданғаным, өнерге де таласымның болғаны өз әсерін берді. Ғылым жолында көп еңбек сіңіріп, еліміз үшін маңызды жаңалықтар мен тың жобаларды әзірлегім келеді. Әсіресе өзім білім алып жатқан жылу энергетикасы саласында көп өзгеріс керек. Соның жолында алғашқы қадамымды бастадым. Бұл марапат – маған берілген жауапкершілік. Үздік студент атану – ертеңгі үздік маман деген сөз деп те түсінемін. Сондықтан барымды саламын, – дейді үздік студент.
«Қазақстанның 100 үздік студенті» республикалық байқауына оқу үлгерімімен ғана емес, спорт, өнер және қоғамдық жұмыстарда жоғары жетістіктерге жеткен студент жастар қатысты. Бұл байқаудың басты бағыты ол – жастар арасында ұлттық құндылықтар мен жетістіктерді насихаттау. Сондай-ақ еліміздегі студенттердің білім, тәрбие және тұлғалық дамуының жоғары сапасын сақтауға мүмкіндік береді дейді ұйымдастырушылар.
Осылайша олжалы оралған Ибраһим Бауыржанұлына үздік студент атағын растайтын куәлік, арнайы статуэтка, диплом мен төсбелгі табысталды.
Үздік студенттің үлкен үміті бар. Ол «өңірдегі жасыл энергетиканың дамуына өз ықпалымды тигізсем, бұл марапатқа лайық болғаным», дейді.
Қарағанды облысы
