Фото: iz.ru
Естеріңізге сала кетейік, былтыр елімізде «орыс маусымы» деген атаумен ауқымды іс-шаралар ұйымдастырылған еді. Ал биыл Мәскеуде Астананың мәдениет күндері өтті. Осы ретте, Президент ондағы ең негізгі оқиға ретінде «Абай» операсының Үлкен театрда қойылғанын атап өтті.
«Сондай-ақ Ресейдің басты мұражайлары – Третьяков галереясында және Эрмитажда Қазақстанның көрмесі ашылады. Қазақстан командасы Ресейдің Қазан қаласында өткен «Болашақ ойындарына» қатысты. Ал Астанадағы Дүниежүзілік көшпелілер ойындарында Ресей спортшылары өнер көрсетті. Бұл – мәдени-гуманитарлық қарым-қатынасты жаңа форматта өрбіту маңызды екенінің белгісі», деп жазды Қасым-Жомарт Тоқаев.
Осы ретте Мемлекет басшысы осы игі дәстүрді жалғастырып, Ресей бастамасымен қолға алынған «Болашақ ойындарының» кезекті сайысы 2026 жылы Қазақстанда ұйымдастырылатынын жеткізді.
