Фото: primeminister.kz
Кейінгі бірнеше аптада валюта нарығы ауытқып, ұлттық валюта бағамы әлсіреп тұр. Осы жағдайға байланысты бизнес өкілдері тарапынан туындаған толқыныстарды басу үшін Үкімет пен Ұлттық банк бірлескен шара қабылдап жатыр.
Нұрлан Байбазаров теңгенің әлсіреуіне кейінгі айларда жаһандық доллар индексінің күшеюі, мұнайдың әлемдік бағасының біршама төмендеуі мен Ресей рублінің төмендеуі әсер еткенін атап өтті.
«Мұндай жағдайда Үкіметтің басты міндеті – азаматтарымыздың әлеуметтік жағдайының нашарлауына жол бермеу, олардың әл-ауқатын қорғау, сондай-ақ кәсіпкерлерге келетін теріс әсерді азайту. Экономика мен халық үшін ықтимал теріс салдарды тұрақтандыру және барынша азайту үшін барлық қажетті шаралар қабылданатын болады. Үкіметтің бұл үшін жеткілікті ресурстары мен құралдары бар», деді Н. Байбазаров.
