Фото: inbusiness.kz
Қала әкімдігінің мәліметінше, 17 желтоқсанда жаңа жылдық шырша шамдарын жағу жоспарланған.
«Биыл қаланың 5 орталық алаңы мен көшелеріне биіктігі 18 метрлік жаңа жылдық шыршалар орнатылады. Жаңа жылдық шыршаларды орнату, демонтаждау және безендіру бойынша ашық конкурс жарияланды. Атқарылған жұмыстарға конкурс талаптарына сәйкес 66 млн 964 мың 285 теңге бөлінді. Тапсырыс беруші – Атырау қалалық мәдениет, тілдерді дамыту, дене шынықтыру және спорт бөліміне қарасты «Құрманғазы атындағы мәдениет сарайы» мекемесі», делінген хабарламада.
Айта кетейік, жаңа жылдық іс-шара театрландырылған бағдарламамен сүйемелденеді.
