бейнежазбадан алынған кадр
Бұған дейін Талғар қаласының маңынан 30 жастағы ер адамның мәйіті табылғаны белгілі болған. Алдын ала болжам бойынша, ол өз-өзіне қол жұмсаған.
«Марқұм ағымдағы жылдың 4 қазанында қайғылы жағдайда қаза тапқан кәмелетке толмаған Шерзат Полаттың ағасы екені анықталды. Тергеу барысында марқұм туыстарының біріне өзіне-өзі қол жұмсау туралы мессенджерде жіберген жазбасы анықталды. Хабарламада ол туысқандарымен қоштасып, інісінің жанына жерлеуді сұрады», делінген хабарламада.
Аталған факті бойынша қылмыстық іс қозғалды. Қазіргі уақытта барлық мән-жайды анықтау үшін тергеу амалдары жүргізіліп жатыр.
«Құрметті азаматтар, тек ресми дереккөздерге сенуіңізді сұраймыз және жалған ақпаратты тарату қылмыстық жауапкершілікке дейін әкелуі мүмкін екенін еске саламыз», деп қосты полиция.
