Атқарылған іс аз емес

Биыл көктемдегі су тас­қы­нынан қатты зардап шеккен өңірлердің бірі – Ақтөбе облысы. Өңір басшысының ай­туынша, табиғат апатының сал­дарынан үй-күйсіз қалған тұр­ғындардың барлығы бүгінде бас­­панамен қамтылған. Су тас­қы­нынан бір ғана Ырғыз ауда­нында Нұра, Жайсаңбай, Бел­шер, Құйылыс, Мамыр ауылдарында 170-ке жуық тұрғын үй зардап шеккен. Нұра ауылы тұр­ғындарының өтінішімен жаңа үйлер ауылдан он екі шақырым қашықта орналасқан Сарыоба жерінде салынған. Жалпы, об­­лыс­та тасқын су 4 мыңнан ас­­там үйге залал келтіріп, әлеу­мет­­тік нысандарды да шайып кет­­кен. Техникалық тексеру қо­ры­­тын­дыларында 1 013 үй апат­­ты деп танылған. Ірі бизнес өкіл­­дерінің қаражаты есебінен жал­пы сомасы 25 млрд теңгеге 500 үй салынып, 513 дайын үй сатып алынған. Сондай-ақ 3 мың тұр­ғын үйді жөндеуге, қалпына келтіруге 9,8 млрд теңге өтемақы берілген.

– Бұл қиын кезеңді Үкімет пен халықтың бірлескен күш-жігерінің арқасында ғана ең­сердік. Тұрғын үйлерден бө­лек, мемлекет тарапынан бү­гінгі таң­да 13 білім беру, 2 спорт, 1 ден­саулық сақтау нысанда­рын жөн­деуге, құрылысын жүргі­зу­ге, сондай-ақ 47 шақырым автожол­ды, 23 көпірді, 22 гид­ро­тех­ни­калық құрылысты қалпына кел­тіруге толық қаржы бөлінді, – деді облыс басшысы.

Сонымен бірге су тасқыны сал­дарынан зардап шеккен 63 ша­­ғын және орта бизнес өкіліне, қираған 80 мал кешені мен малшы үйлеріне, 493 шаруашылық­қа қарасты 11 мыңнан астам ­мал басына өтемақы төлеуге толық көмек көрсетілді.

Биыл өңірде 8 жаңа мектеп пайдалануға берілді. Жыл со­ңына дейін өңірде тағы 2 мек­тептің құрылысы аяқталмақ.

– Алдағы жылдары 11,4 мың оқушыға арналған 14 жайлы мектеп құрылысын аяқтап, іске қосамыз. Бұған қоса шалғай ауылдарда жергілікті бюджет, басқа қаржы көздерінен 4,6 мың орындық 15 мектеп салынады, – деді А.Шахаров.

«Ауылдық денсаулық сақ­тауды жаңғырту» ұлттық жобасы аясында өңірде 29 жоба қол­ға алынған. Бүгінде 12 нысан пай­далануға берілді. Өңір басшысы жыл соңына дейін тағы 6 нысан іске қосылатынын айтты.

Бұдан басқа, жеке инвес­ти­циялар есебінен Батыс Қазақ­стан өңірлерін толығымен қам­титын ірі жоба – ядролық медицина орталығы бар «Orhun Med Limited» клиникасының құрылысы басталды. Нысан 2026 жылы пайдалануға беріледі.

А.Шахаровтың айтуынша, өңірде жақын арада инвестиция көлемі 21,4 млрд теңгені құрайтын рельс дәнекерлеу зауыты («ПЗТM LTD» ЖШС), инвестиция көлемі 99,6 млрд теңге болатын битум зауыты («Батыс Битум» ЖШС), 70 млрд теңге сомасында қаржыландырылатын цемент зауыты («Aqtobe Cem» ЖШС), басқа да маңызды жобалар іске асырылады. Бұл жобалар жүзеге асса, өңірде жаңа жұмыс орындары ашылып, са­лық түсімі артады, сондай-ақ облыстың өнеркәсіптік әлеуеті дамып, экономикалық негізі нығаяды.

Қазір Әлия Молдағұлова атындағы халықаралық әуе­жай­ға инвесторлар тарту, жалпы ауданы 858 гектар арнайы эко­но­микалық аймақ (АЭА) құ­ру жұ­мыстары жүргізіліп жа­тыр. Сондай-ақ Хромтау моно­қаласында құны 400 миллиард теңгені құрайтын 20 жоба жүзе­ге асатын индустриалды аймақ құру жұмысы басталды.

Облыстың ауыл шаруа­­шы­лығы саласын қолдауға 15,5 млрд теңге бөлінген. Көрсетіл­ген мемлекеттік қолдаудың нә­ти­же­сінде, осы жылдың 11 айын­да­ 333 миллиард теңгенің өні­мі өндірілген. Сонымен қатар «Ауыл аманаты» бағдарламасы аясында 2900-ден астам жоба мақұлданып, 2706 жобаға 15 млрд теңге несие берілген.

Ақтөбе облысының 2025 жыл­ға арналған жоспарына тоқ­талған әкім келер жылы өңір­дің экономикалық өсімі кемінде 103% деңгейінде болады деп мәлімдеді.

– Бұл ретте өнеркәсіп сала­сында 2 трлн теңге өнім өнді­ре­міз. Сондай-ақ облысқа 1 трлн теңгеге жуық инвестиция тартып, 1 мыңнан астам жұ­мыс орны құрылады. Өңірдің транзиттік әлеуетін одан әрі дамыту мақсатында «Қандыағаш – Ембі – Шалқар – Ырғыз» рес­публикалық автожолы құры­лы­сының 110 шақырымы аяқ­та­лады. Нормативтік жағдайдағы автожолдардың үлесі 80% болады. Аталған көрсеткішке жету мақсатында алдағы жылы 46 жобаны іске асыру көзделіп отыр, – деді А.Шахаров.

Сондай-ақ республикалық «Ақтөбе – Қарабұтақ –Ұлғайсын» автожолының 6 учаскесін қайта жаңарту жоспарланған. Облыс әкімінің айтуынша, келер жылы 5,5 мыңнан астам халқы бар 11 ауылға ауызсу жүргізіледі. Сөйтіп өңірде таза ауызсу­мен жабдықтау мәселесі толықтай шешіледі. Сондай-ақ 9,8 мың халық қоныстанған 24 ауыл газбен қамтылмақ.

– Бұдан өзге, 2025 жылы 975,0 мың шаршы метр тұрғын үйді пайдалануға беруді жоспарлап отырмыз. «Ақтөбе жастары» бағдарламасымен 70 жас отбасы баспаналы болады. Алдағы жылы 27 ауылды интернетпен жабдықтап, қамту деңгейін 98,8%-ға дейін жеткіземіз. Сондай-ақ республикалық ма­ңызы бар жолдардың 340 шақы­рымында мобильді байланыспен қамтитын 17 мұнара орнатамыз, – деді өңір басшысы.

Қазір өңірдің әлеу­меттік-эко­номикалық дамуы, қоғамдық-саяси ахуалы тұрақты. Барлық өзекті мәселе облыс әкімі­нің жеке бақылауында. Аймақ басшысы баяндамадан соң БАҚ өкіл­дерінің сұрақтарына жауап берді.