Іс-шараға 15 отбасы қатысты. Командалар үш адамнан құралды: әкесі, анасы және баласы. Эстафета барысында отбасылар экология, табиғи құбылыстар және ашық ауадағы қызметпен байланысты әртүрлі байқаулар мен тапсырмаларға қатысты.
Эстафета табиғатпен белсенді өзара әрекеттесуді, командалық рухты дамыту және экологиялық сауаттылықты арттыруға бағытталды.
Іс-шара аясында қатысушыларға қоқысты қайта өңдеу бойынша шеберлік сыныптары ұйымдастырылды, онда қатысушылар қоқысты дұрыс жою тәсілдері мен қоршаған ортаны қорғаудың маңыздылығын үйренді.
Отбасылық эстафета бірнеше қызықты ойындардан тұрды:
- Эстафеталық таяқпен жүгіру — қатысушылар эстафетаны бір-біріне беріп, қашықтықты бағындыруы қажет болды.
- Кенгуру — қатысушылар доппен кенгуру сияқты секіріп, қашықтықты жүгіріп өтті.
- Хоккей клюшкасы арқылы допты жүргізу — балалар мен ересектер хоккей клюшкалары арқылы допты домалатты.
- Доптарды қоқыс шелекке жинау — бұл шеберлік пен дәлдікті дамытатын ойын, онда доптарды шелекке дәл тастау қажет болды.
Мұндай іс-шара отбасылық байланысты нығайтуға, белсенді демалуға және қатысушылардың экологиялық сауаттылығын арттыруға ықпал етті.
Айта кетейік, «Табиғатпен ұштасу» атты отбасылық эстафета – отбасылық байланысты нығайту және қатысушыларды табиғатпен белсенді өзара әрекеттесуге тартуға бағытталған іс-шара.
Іс-шараның басты мақсаты – балалар мен ересектерде қоршаған әлемге құрмет қалыптастыру, табиғатқа жауапкершілікпен қарауды тәрбиелеу және қоршаған ортаны қорғауға белсенді қатысуға үйрету.
